Чаҥ

Почеламут-влак. – Йошкар-Ола: Книгам лукшо марий издательство, 1978. – 112 л.Поэт Расул Гамзатовлан пӧлеклаш шонен возымо почеламутыштыжо В. Горохов калык чон поянлыкым йӧратымыж нерген ӱшандарышын ойла. Каласаш кӱлеш, тудо тыгак йӧрата курым гыч курымыш шуаралт толшо да кугу шонымашым кылтала шӱяшлен кучышо шӧртньӧ кылдыш-калык мутым, шулдыран афоризмым – нуно поэтлан ятыр келге шонымашым пӧлекленыт.
СССР Писатель ушемын членже, Марий АССР-ын заслуженный артистше Василий Гороховын мутнасылже «Чодыраште», «Мыйын пиалем», «Поэтъял» кум сборник-корнывожым эртен.
Тиде книгашкыже кандаш корнан почеламут-влакым ятыр пуртымо. Кугу шонымашым тарватыше кӱчык ойлан мелын шогымыжым автор тиде ганат раш палдара, эшеат сай образым кычалеш да тудым чаҥла йоҥгалтараш, шулдыраҥдаш тырша.Горохов В.М. Поэтъял. Ныл корнан почеламут-вл. – Йошкар-Ола: Книгам лукшо марий издательство, 1974. –144л.